ბოლო ორი დღეა მედია საშუალებებით ვრცელდება არასწორი ინფორმაცია კობის, იგივე თარხნიშვილის ქუჩა #2-ში მდებარე შენობასთან დაკავშირებით, სადაც 2000 წლიდან მოყოლებული ბოლო დრომდე განთავსებული იყო წმინდა იოაკიმესა და ანას სახელობის საპატრიარქოს სამშობიარო სახლი. შენობის მესაკუთრე ეკონომიკისა და მდგრადი განვითარების სამინისტროა და ის საპატრიარქოს სახელზე უფასო, უვადო უზუფრუქტის სახით გაფორმდა. მოარული ხმები იმის შესახებ, რომ საპატრიარქოს სამშობიარო სახლი გაიყიდა სიმართლეს არ შეესაბამება, საზოგადოების კითხვას - თუ რატომ შეიცვალა მისამართი სამედიცინო დაწესებულებამ საპატრიარქოში გამართულ პრესკონფერენციაზე პროტოპრესვიტერმა გიორგი ზვიადაძემ უპასუხა.