2011 წლის 27 აპრილიდან 1 მაისამდე თბილისში ტარდება VI საერთაშორისო ფესტივალი “აღდგომიდან ამაღლებამდე”, რომლის დამფუძნებელი და ორგანიზატორია სრულიად საქართველოს კათოლიკოს-პატრიარქის საერთაშორისო-საქველმოქმედო ფონდი.
ფესტივალის სამხატვრო ხელმძღვანელია აშშ-ში მოღვაწე ცნობილი ქართველი პიანისტი ალექსანდრე კორსანტია.
27-30 აპრილს საფესტივალო კონცერტები ჩატარდება კონსერვატორიის დიდ დარბაზში, ხოლო 1 მაისს თბილისის დიდ საკონცერტო დარბაზში გაიმართება გრანდიოზული საქველმოქმედო გალა კონცერტი, სადაც პირველად შესრულდება სრულიად საქართველოს კათოლიკოს – პატრიარქის, უწმინდესისა და უნეტარესის ილია II-ს ახალი მუსიკალური ნაწარმოები “შANKთUშ” (4 სოლისტისთვის, გუნდისა და სიმფონიური ორკესტრისთვის).
 კონცერტის შემოსავალი მოხმარდება “თოჯინათა საოპერო თეატრის” დაარსებას, სადაც ბავშვებისთვის ნაჩვენები იქნება ზღაპრის სიუჟეტებზე აგებული საოპერო სპექტაკლები.